केंद्रप्रमुख परीक्षा ही अतिशय जवळ आलेली आहे. आपण ऑनलाइन अर्ज देखील सादर केले असतील. या परीक्षेला सामोरे जाणाऱ्या शिक्षकांना आपले शालेय कामकाज पाहून सदर परीक्षेचा अभ्यास अर्थात तयारी करायची आहे म्हणूनच आज आम्ही केंद्रप्रमुख परीक्षेची तयारी अगदी कमी वेळामध्ये कशी करता येईल यासाठी काही टिप्स घेऊन आलेलो आहोत.या Few tips to prepare for Kendra Pramukh Exam टिप्स आपल्या कामी येतील.
तसेच आम्ही आपल्यासाठी ऑनलाइन टेस्ट देखील घेऊन आलो आहोत.आपल्याला आज 3 ऑनलाइन टेस्ट सोडवायला दिलेल्या आहेत.मागील सरळसेवा भरती परीक्षेच्या प्रश्नपत्रिका अभ्यासून त्या धर्तीवर या Test आहेत.केवळ वस्तुनिष्ठ प्रश्न न घेता आकलन &उपयोजना यावर आधारित प्रश्न आहेत.DIET मधील सरळ सेवा भरतीतून निवड झालेल्या प्राध्यापक मित्राशी देखील चर्चा करून प्रश्न निवडले आहेत.चला तर मग जरा या परीक्षेची तोंडओळख करूया.
 |
| केंद्रप्रमुख परीक्षेची कमी वेळात जास्त तयारी करण्यासाठी टिप्स आणि ऑनलाइन टेस्ट |
केंद्रप्रमुख परीक्षा स्वरूप
केंद्रप्रमुख परीक्षेचे स्वरूप तुम्हा सर्वांना माहीतच आहे तरीदेखील आपल्याला या परीक्षेचा अभ्यास करण्यासाठी काही करण्याची ठरवता यावी यासाठी ते थोडक्यात अभ्यासणे गरजेचे आहे. केंद्रप्रमुख पदाची परीक्षा आपल्याला 200 गुणांसाठी द्यावयाचे आहे. या परीक्षेसाठी असणारे प्रश्न हे वस्तुनिष्ठ स्वरूपाचे असणार आहेत त्याचबरोबर या परीक्षेला दोन तासांचा कालावधी आपल्याला असणार आहे.
केंद्रप्रमुख परीक्षेची गुण विभागणी
केंद्रप्रमुख परीक्षेसाठी दोनशे गुणांची परीक्षा घेतली जाणार आहे त्यामध्ये बुद्धिमत्ता व अभियोग्यता यासाठी 100 गुण देण्यात आलेले आहेत त्याचबरोबर शिक्षण क्षेत्राशी संबंधित कायदे योजना, श्री क्षेत्रात काम करणाऱ्या संस्था त्याचबरोबर माहिती संप्रेषण तंत्रज्ञानाचा वापर तसेच अभ्यासक्रम मूल्यमापन अध्ययन आणि अध्यापन पद्धती, विषयाचे असे ज्ञान आणि चालू घडामोडी यावर 100 गुणांचे प्रश्न असणार आहेत.अशा प्रकारे ही 200गुणांची परीक्षा असणार आहे. या परीक्षेचा अभ्यास करत असताना आपण खालील टिप्स follw केल्या तर साहजिकच आपल्याला उत्तम यश मिळू शकते.
केंद्रप्रमुख परीक्षेसाठी महत्त्वाच्या टिप्स
केंद्र परीक्षेची तयारी करत असताना आपल्याकडे उपलब्ध असलेला वेळ आणि आपल्याला अभ्यासावयाचे घटक त्यांचे उत्तम नियोजन केले पाहिजे.
2. बुद्धिमत्ता व अभियोग्यता घटकाची तयारी
बुद्धिमत्ता आणि अभियोग्यता या घटकाची तयारी करत असताना एकाच प्रकारची अनेक उदाहरणे सोडवत बसून आपला वेळ वाया न घालवता आपल्याला जे घटक जमत आहेत त्या घटकांची यादी बनवून जे घटक जमत नाहीत त्यांच्या वेगळ्या नोंदी घेतल्या पाहिजेत आणि तशा प्रकारची मोजकी उदाहरणे आपण सोडवले पाहिजेत. बरेच शिक्षक बुद्धिमत्ता व अभियोग्यता या घटकाची तयारी करताना जे घटक आपल्याला आवडतात त्यावर जास्त लक्ष देतात असे न करता वेगवेगळ्या प्रश्नांची तयारी यामध्ये केली पाहिजे.
3. केंद्रप्रमुख परीक्षेतील प्रश्नांचे स्वरूप समजावून घ्या
केंद्रप्रमुख परीक्षेच्या माध्यमातून आपली निवड झाल्यानंतर आपल्याला ज्या जबाबदाऱ्या पार पाडावयाच्या आहेत. त्या अनुषंगाने APPLICATION BASE प्रश्नांची उत्तरे लिहिण्याचा प्रयत्न करा. थोडक्यात सर्वच प्रश्न वस्तुनिष्ठ स्वरूपाचे नसतील तर सध्याचे शिक्षण प्रवाहामध्ये नवनवीन बदल येऊ पाहत आहेत यांची माहिती घ्या.
4. अद्ययावत शिक्षण क्षेत्रातील ज्ञान
केंद्रप्रमुख परीक्षेची तयारी करत असताना आपल्याला सध्याच्या शिक्षण प्रक्रियेतील अद्ययावत ज्ञान आपल्या जवळ असले पाहिजे आणि यासाठी या क्षेत्रात (शिक्षण)कार्यरत असणाऱ्या व्यक्तींच्या आपण भेटी घेतल्या पाहिजेत. कारण का तर त्या व्यक्तींना या बदलांबाबत परिपूर्ण माहिती असते. म्हणूनच मी केंद्रप्रमुख परीक्षेच्या तयारी संदर्भात जिल्हा शिक्षण व प्रशिक्षण संस्थेमध्ये कार्यरत असणारे आणि स्पर्धा परीक्षेच्या माध्यमातूनच ज्यांची निवड झाली अशा माझ्या प्राध्यापक मित्रांशी चर्चा करून नव्या शैक्षणिक धोरणानुसार शिक्षण क्षेत्रात नेमके कोणते बदल होणार आहेत?नवीन प्रशिक्षणे ,योजना या संदर्भात बरीचशी माहिती मी मिळवलेली आहे. ऑनलाइन टेस्टच्या माध्यमातून ते प्रश्न मी आपल्याला नियमितपणे देणार आहे.
5. प्रश्नांचे स्वरूप समजून घेणे
बऱ्याचदा स्पर्धा परीक्षांना सामोरे जात असताना पाठांतरापेक्षा आपल्या समोर चार पर्याय असल्यानंतर यापैकी कोणते तीन पर्याय नाहीत अशा अंगाने विचार करून जर आपण प्रश्न सोडवायला सुरुवात केली तरीदेखील आपण योग्य त्या उत्तरापर्यंत पोहोचण्याची शक्यता वाढते.
6. शिक्षण क्षेत्रातील चालू घडामोडी
शिक्षण क्षेत्रामध्ये घडणाऱ्या अलीकडील घडामोडींचा अभ्यास आपण केला पाहिजे. तो अभ्यास करत असताना महत्त्वाचे घटक आपण आपल्या डायरीमध्ये नोंदवून ठेवले पाहिजेत आणि त्याची उजळणी केली पाहिजे.
7. विचार करण्याची पद्धत
केंद्रप्रमुख म्हणून आपली निवड होणार असेल आणि त्यासाठीच ही परीक्षा घेतली जात असेल तर आपल्याला ही परीक्षा देत असताना किंवा परीक्षेला सामोरे जात असताना आपली विचार करण्याची पद्धत ही एखाद्या केंद्रप्रमुखाप्रमाणे असायला हवी. कारण बरेचसे प्रश्न एप्लीकेशन बेस असतील.
8. सर्व घटकांना सामान न्याय
केंद्रप्रमुख परीक्षेची तयारी करत असताना जे जे घटक परीक्षेसाठी विचारले जाणार आहेत त्या सर्व घटकांना ओघवता तरी स्पर्श व्हायला हवा. प्रत्येक घटकातील थोडे थोडे प्रश्न या परीक्षेसाठी विचारले जातात.
आमच्या केंद्रप्रमुख परीक्षा ऑनलाइन टेस्ट चे वेगळेपण
आम्ही आपल्यासाठी ऑनलाईन टेस्टच्या माध्यमातून केंद्रप्रमुख परीक्षेची तयारी करून घेण्यासाठी आपल्याला मदत करणार आहोत. या ऑनलाइन टेस्टमध्ये आम्ही केवळ वस्तूनिष्ठ प्रकारचे प्रश्न न घेता एप्लीकेशन बेस असणारे प्रश्न जास्तीत जास्त घेणार आहोत. अशा प्रश्नांमुळे परीक्षेमध्ये अमुक प्रश्न आला तर आपण कशा अंगाने विचार करावा ? याचा आपला सराव होईल. नमुना म्हणून आम्ही आज आपल्याला 3 सराव संच घटकनिहाय देत आहोत. त्याचबरोबर आमच्याकडे असणारी लिखित स्वरूपातील माहिती देखील आम्ही आपल्याला आमच्या व्हाट्सअप ग्रुपच्या माध्यमातून शेअर करणार आहोत. त्या माहितीचा देखील आपल्याला नक्कीच या परीक्षेचा अभ्यास करत असताना उपयोग होईल.चला तर मग ऑनलाइन टेस्ट पाहूया.
केंद्रप्रमुख परीक्षा घटक निहाय ऑनलाइन टेस्ट |kendra pramukh exam topic wise online test
शिक्षण क्षेत्रातील विविध कायदे अधिनियम आणि त्यांच्या तरतुदी या संदर्भात आम्ही आपल्याला एक ऑनलाईन टेस्ट दिलेली आहे.आजच्या या पहिल्या टेस्टमध्ये शिक्षण क्षेत्रातील शिक्षण क्षेत्रातील कायद्यांची तोंड ओळख करून देण्याचा प्रयत्न केलेला आहे. परंतु यानंतरच्या टेस्टमध्ये आम्ही अतिशय डिटेल मध्ये आणि परीक्षेच्या दृष्टिकोनातून जे महत्त्वाचे प्रश्न आहेत त्या महत्त्वाच्या प्रश्नांची ऑनलाईन TEST आपल्यासाठी उपलब्ध करून देणार आहोत.
केंद्र प्रमुख परीक्षा ऑनलाइन टेस्ट 1 (विविध कायदे)
💥केंद्रप्रमुख परीक्षा टेस्ट क्रमांक 2 (शैक्षणिक संस्था)